گوجرانوالہ ویسٹ مینجمنٹ کمپنی نے عید الفطر کے موقع پر صفائی پلان جاری کر دیا

Spread the love

وزیرآباد (نامہ نگار) گوجرانوالہ ویسٹ مینجمنٹ کمپنی نے عید الفطر کے موقع پر صفائی پلان جاری کر دیا چاند رات سے عید کے تینوں دن ڈبل شفٹ میں صفائی ورکرز کام کریں گے۔تفصیلات کے مطابق ویسٹ مینجمنٹ کمپنی وزیرآباد کے مینیجر عامر بشیر نے صفائی کے حوالے سے منعقدہ میٹنگ سے خطاب کرتے ہوئے بتایا کہ عید کے موقع پر بہترین صفائی کی جائے گی جس کے لیے صفائی پلان جاری کر دیا گیا ہے میٹنگ میں
ایریا مینجر وزیر اباد عبدالرحمن بٹ، ایریا مینیجر گکھڑ بلال مقبول، ایریا مینیجر علی پور چٹھہ زین افضال چٹھہ، عدیل سیف چٹھہ فلیٹ مینجرعمران حبیب اور ڈپٹی مینجر HR غلام مرتضیٰ بھی موجود تھے۔انہوں نے کہا کہ عید الفطر کے لیے عید گاہوں اور مساجد کے اطراف صفائی ستھرائی کو یقینی بنایا جائے گا جبکہ چاند رات سے ستھرا پنجاب کے ورکرز ڈبل شفٹ میں صفائی ستھرائی کا کام کریں۔انہوں نے بتایا کہ سپروائزرز اپنے اپنے علاقہ کے ذمہ دار ہونگے جبکہ صفائی کی نگرانی کے لیے ٹیمیں مختلف علاقوں کا دورہ کرتی رہے گی عید الفطر ایک مقدس اور خوشی کا تہوار ہے وزیرآباد کے صفائی ورکرز اپنے شہریوں کو صاف ستھرا ماحول مہیا کریں گے انہوں نے تمام سپر وائزرز سینٹری انسپکٹرز کو اپنے اپنے علاقوں کی بہترین صفائی کی تلقین کی ہے

اس خبر پر اپنی رائے کا اظہار کریں

اپنا تبصرہ بھیجیں