(رپورٹ مرزا طارق محمود)
یہ صرف ایک خبر نہیں ۔۔۔
یہ ایک چیخ ہے ۔۔۔
ایک ماں کے دل کا ٹوٹ جانا ہے ایک معاشرے کی بے حسی کا منہ بولتا ثبوت ہے ۔۔۔۔۔۔۔۔۔۔۔
آج جلال پور جٹاں کے محلہ بابے دا لاہور شہباز پور روڈ (پرانا کلاچور روڈ) پر یہ دل دہلا دینے والا واقعہ پیش آیا، جہاں ایک پونے دو سالہ معصوم بچی اپنے گھر کے باہر کھیل رہی تھی ۔۔۔ بے خبر ۔۔۔ بے فکر ۔۔۔
زندگی کی مسکراہٹوں میں مگن ۔۔۔
مگر چند لمحوں میں ہی خوشیوں کا یہ منظر قیامت میں بدل گیا جب وہ کھلے سیورج نالے میں گر کر ہمیشہ کے لیے خاموش ہو گئی ۔۔۔۔۔۔۔۔۔۔۔۔
یہ معصوم بچی مشال فاطمہ تھی جو سیالکوٹ سے اپنے ننھیال جلال پور جٹاں آئی ہوئی تھی ۔۔۔ خوشیوں کے چند دن گزارنے آئی یہ ننھی مہمان ہمیشہ کے لیے اپنے پیاروں کو رلا کر چلی گئی ۔۔۔۔۔۔۔۔۔۔۔۔
وہ ننھی سی جان ۔۔۔ ابھی تو بولنا بھی ٹھیک سے نہیں سیکھا تھا ابھی تو دنیا کو سمجھنا باقی تھا ماں کی انگلی پکڑ کر چلنا سیکھ رہی تھی ۔۔۔
مگر ہمارے نظام کی لاپرواہی نے اسے ہم سے چھین لیا ۔۔۔ سوچیں ۔۔۔ اس ماں پر کیا گزری ہوگی …؟؟؟
جب اس نے اپنی گود کی رونق کو بے جان پایا ہوگا ۔۔۔ جب اس نے اپنی بچی کی لاش کو ہاتھوں میں اٹھایا ہوگا ۔۔۔ وہ صرف اپنی بیٹی کو نہیں اٹھا رہی تھی وہ انصاف کی لاش بھی اٹھا رہی تھی وہ انسانیت کی موت پر ماتم کر رہی تھی ۔۔۔۔۔۔۔۔۔
اہلِ علاقہ کا غصہ ان کا احتجاج ان کی فریاد بالکل جائز ہے ۔۔۔۔۔۔۔۔۔۔۔
آخر کب تک ۔۔۔ ؟؟؟
کب تک یہ کھلے سیورج نالے معصوم جانوں کو نگلتے رہیں گے ۔۔۔ ؟؟؟
کب تک شکایات فائلوں میں دفن ہوتی رہیں گی ۔۔۔ ؟؟؟
کب تک صفائی کے نام پر صرف وعدے کیے جائیں گے ۔۔۔ ؟؟؟
یہ حادثہ نہیں یہ قتل ہے ۔۔۔۔۔۔۔۔۔۔۔
قتل ہے غفلت کا ۔۔۔ لاپرواہی کا ۔۔۔ بے حسی کا ۔۔۔
ہر وہ ذمہ دار ادارہ ہر وہ افسر جس نے بارہا شکایات کے باوجود آنکھیں بند رکھیں وہ اس معصوم کی موت کا برابر کا شریک ہے ۔۔۔۔۔۔۔۔۔۔۔
آج اگر ہم خاموش رہے تو کل کسی اور ماں کی گود اجڑے گی ۔۔۔۔۔۔۔۔۔۔۔۔
یہ وقت ہے جاگنے کا ۔۔۔۔۔۔۔۔۔۔۔۔
یہ وقت ہے آواز اٹھانے کا ۔۔۔۔۔۔۔۔۔۔۔۔
یہ وقت ہے کہ ان کھلے نالوں کو ڈھانپا جائے صفائی کے نظام کو بہتر بنایا جائے اور عوام خاص طور پر بچوں کو محفوظ بنایا جائے
ورنہ یاد رکھیں ۔۔۔
اگلی لاش شاید کسی اور کے ہاتھوں میں ہوگی مگر درد ہم سب کا ہوگا ۔۔۔۔۔۔۔۔۔۔۔۔
خدارا اب بھی سنبھل جائیں کیونکہ ایک معصوم جان کی قیمت کسی بھی غفلت سے کہیں زیادہ ہے
