شہر کے مختلف علاقوں، گلی محلوں اور سڑکوں پر بجلی، ٹیلیفون، انٹرنیٹ اور کیبل نیٹ ورک کی لاوارث اور اضافی تاریں

Spread the love

جہلم (بیورو رپورٹ) محرم الحرام کی آمد کے پیشِ نظرشہر اور گردونواح میں مختلف سرکاری و نجی اداروں کی جانب سے بچھائی گئی بجلی، ٹیلیفون، انٹرنیٹ اور کیبل کی تاریں موٹر سائیکل سواروں اورشہریوں کے لیے وبالِ جان بن گئیں۔ متعدد مقامات پر تاریں ٹوٹ کریا نیچی ہو کر گلی محلوں اور سڑکوں پر لٹک رہی ہیں، جس کے باعث کسی بھی وقت کوئی بڑا حادثہ رونما ہونے کا خدشہ پیدا ہوسکتا ہے۔ارباب اختیار نوٹس لیں
تفصیلات کے مطابق شہر کے مختلف علاقوں، گلی محلوں اور سڑکوں پر بجلی، ٹیلیفون، انٹرنیٹ اور کیبل نیٹ ورک کی لاوارث اور اضافی تاریں جگہ جگہ لٹکتی نظر آتی ہیں۔ کئی مقامات پر یہ تاریں اتنی نیچی ہو چکی ہیں کہ شہریوں، موٹر سائیکل سواروں اور عزاداروں کی آمد و رفت میں شدید مشکلات پیدا ہو سکتی ہے۔
شہریوں کا کہنا ہے کہ محرم الحرام کے جلوسوں اور مجالس کے دوران یہ تاریں نہ صرف رکاوٹ بن سکتی ہیں بلکہ انسانی جانوں کے لیے بھی خطرہ ثابت ہو سکتی ہیں۔ عوامی حلقوں نے ڈپٹی کمشنر جہلم سمیت متعلقہ اداروں کے ذمہ داران سے نوٹس لینے کا مطالبہ کرتے ہوئے کہا ہے کہ تمام خطرناک، اضافی اور لٹکتی ہوئی تاروں کو ہٹایا جائے جبکہ ضروری تاروں کو مناسب اونچائی پر منتقل کیا جائے تاکہ شہری موٹر سائیکل سوار بلا خوف و خطر آمد و رفت جاری رکھ سکیں اور کسی بھی ناخوشگوار واقعہ سے بچا جا سکے،

اس خبر پر اپنی رائے کا اظہار کریں

اپنا تبصرہ بھیجیں