ضلع بھر کے پٹواریوں کی اکثریت نے ایک سے دو پرائیویٹ منشی پال رکھے ہیں

Spread the love

جہلم( بیورورپورٹ) جہلم شہر سمیت ضلع بھر میں پٹوار کلچر کی جڑیں اس قدر دیمک زدہ ہو چکی ہیں کہ ضلع بھر کے پٹواریوں کی اکثریت نے ایک سے دو پرائیویٹ منشی پال رکھے ہیں، جو تمام تر قانونی اور دستاویزی امور چلا رہے ہیں زمینوں کے انتقالات درج کرنے سے لے روایتی انتقال جیسے انتہائی حساس اور قانونی کام پرائیویٹ منشی سرانجام دے رہے ہیں، جس نے سرکاری ریکارڈ کے تحفظ اور عوامی راز داری پر ایک بہت بڑا سوالیہ نشان کھڑا کر دیا ہے۔ قوانین کے مطابق کسی بھی عام یا پرائیویٹ شخص کو سرکاری دفاتر کے اندر بیٹھنے یا حساس فائلوں کو دیکھنے کی ہرگز اجازت نہیں ، لیکن جہلم ضلع بھر میں گنگا الٹی بہہ رہی ہے۔ یہاں پٹواریوں کی جگہ پرائیویٹ منشی پورا محکمہ چلا رہے ہیں جو قانون نافذ کرنے والے اداروں کی کارکردگی پر سوالیہ نشان ہے،

اس خبر پر اپنی رائے کا اظہار کریں

اپنا تبصرہ بھیجیں