جہلم آل پاکستان ریجنل نیوز پیپرز سوسائیٹی APRNS کی کور کمیٹی اور مشاورتی بورڈ نے متفقہ طور پر قرار داد منظور کر لی

Spread the love

جہلم(چوہدری عابد محمود +چوہدری ظفرنور)جہلم آل پاکستان ریجنل نیوز پیپرز سوسائیٹی APRNS کی کور کمیٹی اور مشاورتی بورڈ نے متفقہ طور پر قرار داد منظور کر لی، قرارداد میں کہا گیا ہے کہ پنجاب ایڈوارٹائزمنٹ ترمیمی پالیسی 2020 میں علاقائی اخبارات کو نظر انداز کر دیا گیا ہے، اور اشتہارات کے حصول کے لئے 2 غیر سرکاری تنظیموں کی ممبر شپ لازمی قرار دی گئی ہے، اور کسی بھی اشتہار کو صرف 2 قومی اخبارات میں شائع کرنے کا فیصلہ کیا گیاہے، جبکہ علاقائی اخبار ات کو علاقائی اشتہاروں سے بھی محروم کر دیا گیاہے، جس پر اخبارات مالکان کو شدید تحفظات ہیں کیونکہ مقامی اخبارات جو عام آدمی کی آواز اور جمہوریت کا حسن ہیں ان کے بند ہونے کا خدشہ لاحق ہو چکا ہے، علاقائی اخبارات سے وابستہ ہزاروں افراد کے بے روزگار ہونے کا خدشہ ہے، پنجاب حکومت سے علاقائی اخبارات کے ذمہ داران کا مطالبہ ہے کہ متنازع شقوں کو تبدیل کیا جائے اور علاقائی اخبارات کے اشتہارات کو بند کرنے کی بجائے اضافہ کیا جائے تاکہ دور دراز کے مضافاتی علاقوں سے تعلق رکھنے والے افراد مکمل آگاہی حاصل کر سکیں۔

اس خبر پر اپنی رائے کا اظہار کریں

اپنا تبصرہ بھیجیں