سول ہسپتال وزیرآباد کے نو تعینات میڈیکل سپرنٹنڈنٹ (ایم ایس) ڈاکٹر غلام مرتضیٰ نے اتوار کی شب اپنے عہدے کا باقاعدہ چارج سنبھال لیا

Spread the love

وزیرآباد ( سکندر ملک ) سول ہسپتال وزیرآباد کے نو تعینات میڈیکل سپرنٹنڈنٹ (ایم ایس) ڈاکٹر غلام مرتضیٰ نے اتوار کی شب اپنے عہدے کا باقاعدہ چارج سنبھال لیا۔ اس موقع پر دوست احباب، صحافی برادری اور ڈاکٹرز ، پیرا میڈیکل سٹاف نے انہیں پھولوں کے گلدستے پیش کرکے خوش آمدید کہا اور نیک تمناؤں کا اظہار کیا ۔صحافیوں سے گفتگو کرتے ہوئے ڈاکٹر غلام مرتضیٰ نے کہا کہ وہ سول ہسپتال وزیرآباد کو ایک مثالی طبی ادارہ بنانے کے لیے تمام ڈاکٹرز، پیرامیڈیکل اسٹاف، ملازمین اور صحافی برادری کو ساتھ لے کر چلیں گے۔ انہوں نے کہا کہ مریضوں کو معیاری، بروقت اور بہتر طبی سہولیات کی فراہمی ان کی اولین ترجیح ہے۔انہوں نے ڈیوٹی کے پہلے ہی روز ہسپتال کے مختلف شعبوں کا تفصیلی دورہ کیا، جہاں صفائی، ادویات کی دستیابی، طبی سہولیات، وارڈز اور انتظامی امور کا باریک بینی سے جائزہ لیا گیا۔ انہوں نے واضح کیا کہ ہسپتال میں نظم و ضبط، شفافیت، مریض دوست ماحول اور بہترین طبی خدمات کو یقینی بنانے کے لیے ہر ممکن اقدامات کیے جائیں گے، جبکہ کسی بھی قسم کی غفلت یا کوتاہی ہرگز برداشت نہیں کی جائے گی ۔

اس خبر پر اپنی رائے کا اظہار کریں

اپنا تبصرہ بھیجیں