
کامیابی صرف ایک امتحان پاس کرنے کا نام نہیں، بلکہ یہ ان خوابوں کی تعبیر ہے جن کے لیے بچے دن رات محنت کرتے ہیں، والدین دعائیں کرتے ہیں اور اساتذہ اپنی توانائیاں صرف کرتے ہیں۔ سنز آف چک چھٹہ کے پاس ہونے والے بچوں کے اعزاز میں ایس پی انویسٹیگیشن سرگودھا عمران عباس چدھڑ کی جانب سے عشائیہ اسی کامیابی کو سراہنے اور نئی نسل کی حوصلہ افزائی کی ایک خوبصورت مثال ہے۔یہ محفل صرف ایک عشائیہ نہیں تھی بلکہ ان بچوں کے خوابوں، محنت اور روشن مستقبل کو سلام پیش کرنے کا ایک انداز تھی۔ ان بچوں نے اپنی کامیابی سے ثابت کیا کہ اگر ارادے مضبوط ہوں، محنت مسلسل ہو اور منزل واضح ہو تو مشکلات راستہ نہیں روک سکتیں۔ ایس پی انویسٹیگیشن سرگودھا کی جانب سے ان بچوں میں گفٹ بھی تقسیم کیے گئے اور اس اشاعیے میں ان کے استاد بھی موجود تھے اور بچوں کے والدین بھی موجود تھے یس پی انویسٹیگیشن سرگودھا عمران عباس چدھڑ کا یہ اقدام اس بات کا مظہر ہے کہ ایک ذمہ دار افسر صرف اپنے فرائض تک محدود نہیں رہتا بلکہ معاشرے کی نئی نسل کی حوصلہ افزائی اور ان کے خوابوں کی آبیاری کو بھی اپنی ذمہ داری سمجھتا ہے۔آج جن بچوں کے چہروں پر کامیابی کی خوشی ہے، ممکن ہے انہی میں سے کل کوئی ڈاکٹر بنے، کوئی انجینئر، کوئی استاد، کوئی افسر اور کوئی اپنے علاقے اور ملک کی خدمت کرنے والا بہترین انسان۔ ایسے مواقع دراصل بچوں کو یہ احساس دلاتے ہیں کہ ان کی محنت دیکھی بھی جاتی ہے اور اس کی قدر بھی کی جاتی ہے۔عمران عباس چدھڑ کی طرف سے ان بچوں کے اعزاز میں منعقد کیا گیا یہ عشائیہ ایک خوبصورت پیغام ہے کہ معاشرے میں کامیابی حاصل کرنے والوں کی حوصلہ افزائی کی جائے، کیونکہ ایک بچے کی حوصلہ افزائی صرف اس کی اپنی زندگی نہیں بدلتی بلکہ کئی دوسرے بچوں کے دلوں میں بھی آگے بڑھنے کا جذبہ پیدا کرتی ہے۔دعا ہے کہ یہ بچے علم، کردار اور خدمت کے میدان میں مزید کامیابیاں حاصل کریں اور اپنے والدین، اساتذہ، علاقے اور ملک کا نام روشن کریں۔کامیاب بچے قوم کا سرمایہ ہوتے ہیں، اور ان کی حوصلہ افزائی دراصل روشن مستقبل کی بنیاد رکھنے کے مترادف ہے۔
