رحیم یار خان: مظلوم کی آواز اعلیٰ حکام تک پہنچانا میری اولیں ترجیح ہے، چوہدری عبدالحفیظ

Spread the love

​فتح پور پنجابیاں کے لنک روڈ کو کارپٹ بنانے، لائٹس کی تنصیب اور مہنگائی و بے روزگاری کے خاتمے کا مطالبات

​رحیم یار خان
(ڈویژنل بیوروچیف –
میاں طالب حسین)

مظلوم اور غریب کی آواز کو اعلیٰ حکام تک پہنچانے میں اپنا کلیدی کردار ادا کرتا رہوں گا۔ میرے ہوتے ہوئے علاقے میں کسی کے ساتھ ظلم و زیادتی برداشت نہیں کی جائے گی، جائز مسائل کے حل کے لیے حق اور سچ کا ساتھ دینا میری روایت ہے۔
​ان خیالات کا اظہار رحیم یار خان کی معروف سیاسی و سماجی شخصیت اور پریس کلب اقبال آباد کے صدر چوہدری عبدالحفیظ نے ڈویژنل بیوروچیف میاں طالب حسین سے خصوصی گفتگو کرتے ہوئے کیا۔
​تفصیلات کے مطابق چوہدری عبدالحفیظ نے پریس کلب اقبال آباد کی فعال سازی اور علاقائی مسائل پر تفصیل سے روشنی ڈالی۔ انہوں نے کہا کہ پریس کلب اقبال آباد کے تمام دیرینہ مسائل کو حل کر کے اسے جلد مکمل فعال اور مضبوط بنایا جا رہا ہے تاکہ صحافتی برادری علاقے کے مسائل کو مؤثر انداز میں اجاگر کر سکے۔
​علاقائی مسائل اور حکمرانوں سے اپیل
​سماجی رہنما نے علاقے کی ابتر صورتحال کی نشاندہی کرتے ہوئے کہا کہ:
​فتح پور پنجابیاں کی سڑک اور صفائی: فتح پور پنجابیاں میں بنیادی مسائل بالخصوص سڑک کی ابتر حالت اور صفائی کے شدید فقدان نے اہل علاقہ کی زندگی اجیرن بنا رکھی ہے۔
​وزیراعلیٰ پنجاب سے مطالبہ: انہوں نے وزیراعلیٰ پنجاب مریم نواز شریف سے پرزور اپیل کی کہ مین ہائی وے سے فتح پور پنجابیاں کو جانے والے لنک روڈ کو فوری طور پر کارپٹ (پکی سڑک) بنایا جائے اور سڑک کی دونوں اطراف بجلی کے پول نصب کر کے لائٹس کا بندوبست کیا جائے۔
​مہنگائی اور بے روزگاری پر تشویش
​مہنگائی کی موجودہ لہر پر تشویش کا اظہار کرتے ہوئے چوہدری عبدالحفیظ نے کہا کہ پٹرول کی قیمتوں میں مسلسل اضافے اور مہنگائی نے غریب آدمی کا جینا دو بھر کر دیا ہے اور لوگ ایک وقت کی روٹی کے لیے محتاج ہو چکے ہیں۔ مزید برآں، ہماری نوجوان نسل ڈگریاں ہاتھوں میں لیے بے روزگار گھوم رہی ہے جو کہ ایک لمحہ فکریہ ہے۔
​انہوں نے وزیراعظم پاکستان میاں شہباز شریف اور وزیراعلیٰ پنجاب مریم نواز شریف سے پرزور اپیل کی کہ ضلع رحیم یار خان کے عوام پر رحم کیا جائے، مہنگائی پر قابو پایا جائے اور نوجوانوں کے لیے روزگار کے مواقع پیدا کیے جائیں تاکہ عوام کو درپیش شدید مشکلات کا خاتمہ ہو سکے۔

اس خبر پر اپنی رائے کا اظہار کریں

اپنا تبصرہ بھیجیں