جہلم(چوہدری عابد محمود +چوہدری ظفرنور)جہلم ضلع بھر میں جشن عید میلاد النبی ؐ کی تیاریاں عروج پر پہنچ گئیں، جہلم سمیت مختلف علاقوں و دیہات رنگ نور میں ڈوب گئے، جبکہ ہر سودرود وسلام کی صدائیں بلند ہو رہی ہیں، تفصیلات کے مطابق سرورکائنات حضرت محمد مصطفی ﷺ کی آمد آمد ہے جبکہ ضلع بھر کے علاقوں میں عاشقانِ رسول ؐ نے گھروں اور گلیوں کو برقی قمقموں سے سجا یا جا رہاہے، جشن عید میلاد النبی ؐ کے سلسلے میں ضلع بھر کے مختلف علاقوں و دیہاتوں کی مساجد، عمارتوں اور شاہراہوں کو سبز پرچموں اور برقی قمقموں سے سجا یا جا رہا ہے، عاشقان رسول ؐ خانہ کعبہ اور مسجد نبوی کے خوبصورت ماڈلز بنا کر سرور کائنات سے اظہار عقیدت کر یں گے، آپ کی ذات گرامی صورت میں اجمل اور سیرت میں اکمل ہے، آپ کے حالات و کمالات اور فضائل معجزات کو بیان کرنے کا نام عید میلاد النبی ؐ ہے، رسول کریم ؐسے محبت کا تقاضا ہے کہ مسلمان متحد ہو کر امن و آشتی کا درس دیں، آپ ؐ نے امن و محبت، بھائی چارگی اور احترام انسانیت کا درس دیا اور یہ پیغام رہتی دنیا تک قائم رہے گا، علمائے کرام کا کہنا ہے کہ عصر حاضر میں نبی کریم ؐ کی تعلیمات پر عمل کرنا راہ نجات ہے، دوسری جانب قانون نافذ کرنیوالے اداروں کی جانب سے عید میلاد النبی ؐ کے جلوسوں کے حوالے سے سیکورٹی کے انتظامات مکمل کرنے شروع کر رکھے ہیں۔
