کورونا سے امریکہ میں قیمتی انسانی جانوں کی ضیاع پر دلی دکھ اور افسوس کا اظہار کرتے ہیں۔صدر مسلم لیگ ن
سوات(چیف اکرام الدین)پاکستان مسلم لیگ ن یوتھ ونگ سوات غفران خان کے مطابق پاکستان مسلم لیگ (ن) کے صدر قائد حزب اختلاف شہباز شریف کا پاکستان میں امریکی ناظم الامور سفیر پال ڈبلیو جونز کو جوابی خط پاکستان مسلم لیگ ن کے صدر میاں شہباز شریف نے کہا کہ کورونا وائرس کی وجہ سے نہ صرف انسانی زندگیوں کو خطرات لاحق ہیں بلکہ انسانی سماج و معاشرت کا پورا تانا بانا بھی متاثر ہو رہا ہے انہوں نے کہا کہ کورونا کے خلاف اجتماعی جنگ میں پاکستان کو مدد اور تعاون کی فراہمی پر امریکہ کا شکریہ ادا کرتے ہیں پاکستان اور امریکہ کے درمیان دو طرفہ تعلقات اور روابط کہیں گہرے اور مضبوط ہیں جتنے بظاہر دکھائی دیتے ہیں اس موقع پر انہوں نے بین الاقوامی گلوبل ٹائمز میڈیا یورپ کے ساتھ ایک اخباری بیان میں کہا کہ کورونا کے موجودہ چیلنج کی طرح ہر بحران میں امریکہ اور پاکستان کے تعلقات کی مضبوطی ابھر کر سامنے آنا اس امر کا بین ثبوت ہے انہوں نے کہا کہ کورونا کسی سرحد کو نہیں پہچانتا، تمام خطے اس کی سفاکی اور تباہی کا نشانہ بنے ہوئے ہیں میاں شہباز شریف نے کہا کہ عالمی سطح پر کورونا کے خلاف تعاون کی جتنی آج ضرورت ہے شاید پہلے کبھی نہیں تھی اجتماعی طور پر کورونا کے عفریت کے خلاف جدوجہد نہ کی گئی تو اس کے نتائج بھگتنا ہوں گے صورتحال کا تقاضا ہے کہ امریکہ کورونا کے خلاف جنگ میں قائدانہ کردار ادا کرے کورونا سے امریکہ میں قیمتی انسانی جانوں کے ضیاع پر دلی دکھ اور افسوس کا اظہار کرتے ہیں شہباز شریف کا کہنا تھا کہ امید ہے کہ امریکی عوام جلد موجودہ صورتحال پر قابو پالے گی۔
