چوہدری زاہد حیات روز نیوز
میں ، میری بیوی اور بچے ایک جادوئی گھر میں رہتے ہیں۔۔۔
وہ اپنے کپڑے میلے کچیلے اتارتے ہیں، جو اگلے ہی دن صاف ستھرے ملتے ہیں
وہ اپنے جوتے سکول اور آفس سے آتے ہی ادھر ادھر اتار دیتے ہیں،۔۔یا لاپرواہی سے پھنک دیتے ہیں جو اگلی صبحِ انھیں اسی ترتیب سے ملتے ہیں
ہر روز شام کو کوڑے والی بالٹی کوڑے کرکٹ اور کچرے سے بھری ہوتی ہے اور اگلے دن صبح سویرے ہی وہ خالی ہوتی ہے۔۔۔
میرے جادوئی گھر میں بچے کھیلتے ہوئے جگہ جگہ گند ڈالتے ہیں، لیکن اگلے ہی لمحے وہ صاف ستھرا ہوجاتا ہے ۔۔۔ اور ان کے کھیلوں کا سامان اپنے اپنے باکس میں ترتیب سے رکھ دیا جاتا ہے ۔۔۔
ہر روز میرے جادوئی گھر میں میرے بچوں اور میری پسند کے مختلف کھانے بنتے ہیں ۔۔۔
میرے جادوئی گھر میں ہر روز قریباً سو بار امی امی کہا جاتا ہے ۔۔۔
امی ناخن تراش کہاں ہے۔۔۔؟
امی میرا ہوم ورک مکمل کروائیں ۔۔۔
امی ، بھیا مجھے مار رہا ہے ۔۔۔
امی بابا آگئے۔۔۔
امی آج مجھے سکول لنچ بکس لے کر نہیں جانا۔۔
امی آج بریانی بنائیں ۔۔۔
ماما آج مجھے چیونٹی نہیں مل رہی وہ ہر روز یہیں لائن بنا کر چلتی ہیں ۔۔۔😊
ماما مجھے سینڈوچ بنا کر دیں۔۔۔
ماما مجھے واش روم جانا ہے ۔۔۔
ماما یہاں میری بک پڑی تھی ۔۔۔ اب نہیں ہے ۔۔۔
رات سونے سے پہلے آخری لفظ ماما اور صبح اٹھتے ہی پہلا لفظ ماما میرے جادوئی گھر میں سننے کو ملتا ہے۔۔۔
یقینا کبھی بھی کوئی اس جادو نما گھر کی طرف توجہ نہیں دی ہو گی
حالانکہ یہ جادو نما گھر ہر کسی کے پاس ہے اس کی قدر کریں
اور نہ ہی کبھی کسی نے اس گھر کے جادو گر کا شکریہ ادا کیا ہوگا۔۔۔💔
ان جادوئی گھروں کا جادوگر کوئی اور نہیں بلکہ ہر بیوی اور ماں ہے۔۔۔ جو اپنے اپنے گھروں میں ایسے جادو کرتی ہیں۔۔۔💚💙❤
اللہ سلامت رکھے ہر بیوی اور ماں کو، جن کے صبر اور نہ ختم ہونے والی ڈیوٹی کی وجہ سے ہر گھر میں رونق ہے
