چوہدری محمد آ صف ندیم آرائیں ڈویژنل بیوروچیف
ساہیوال( )انسداد ڈینگی آگہی مہم کے سلسلے میں گورنمنٹ گرلز ہائرسیکنڈری سکول فرید ٹاؤن ساہیوال میں ایک سیمینار کا انعقاد کیا گیا۔سی ای او ہیلتھ ڈاکٹر مشتاق احمد سپرا، سی ای او ایجوکیشن ڈاکٹر محمد ارشدکے علاوہ ٹیچرز اور طالبات کی کثیرتعداد نے سیمینار میں شرکت کی۔ سی ای اوہیلتھ ڈاکٹر مشتاق احمد سپرا نے شرکاء کو ڈینگی سے بچاؤ کے ایس او پیز پر تفصیلی بریفنگ دی۔ انہوں نے شہریوں سے اپیل کی کہ گھروں کے اردگرد، کولرز اور گملوں میں پانی نہ کھڑا ہونے دیں تاکہ ڈینگی مچھر کی افزائش کو کنٹرول کیا جا سکے۔ انہوں نے کہا کہ ڈینگی لاروا کی افزائش روکنا عوام کے بھرپور تعاون کے بغیر ممکن نہیں۔انہوں نے کہا کہ ماحول کو صاف ستھرا رکھ کرہی ڈینگی کا خاتمہ کیا جا سکتا ہے اور تمام سٹوڈنٹس ڈینگی بخار کے حوالے سے گھر والوں اور اردگرد کے لوگوں میں زیادہ سے زیادہ شعور اجاگر کریں تا کہ اس مرض کے خاتمہ ممکن ہو سکے۔
