ساہیوال( چوہدری محمد آ صف ندیم آرائیں ڈویژنل بیوروچیف ساہیوال )کمشنر ساہیوال ڈویژن سلوت سعید کی پی پی 202میں ضمنی الیکشن کے حوالے سے تمام انتظامات مکمل کرنے کی ہدایت۔ حساس پولنگ سٹیشنز پر سی سی ٹی وی کیمرہ نصف کیے جائیں،تمام پولنگ سٹیشنز پر فول پروف سیکورٹی کے انتظامات کیے جائیں، ووٹرز کیلئے پینے کے ٹھنڈے پانی اور بیٹھنے کیلئے سایہ دار جگہ کا انتظام کیا جائے، کمشنر کی ہدایت۔ تفصیلات کے مطابق کمشنر ساہیوال ڈویژن سلوت سعید کی زیر صدارت حلقہ پی پی 202میں ضمنی الیکشن کے حوالے سے کیے جانے والے انتظامات کا جائزہ اجلاس منعقد ہوا۔ اجلاس میں میں ایڈیشنل کمشنر کوارڈنیشن شفیق احمد ڈوگر، ڈپٹی کمشنر محمد خضر افضال چوہدری،ایڈیشنل ڈپٹی کمشنر فنانس اینڈ پلاننگ یاسر فرید، ڈائریکٹر لوکل گورنمنٹ اظہر نبی دیوان کے علاوہ پولیس اور دیگر متعلقہ محکموں کے سربراہان نے شرکت کی۔ کمشنر ساہیوال ڈویژن سلوت سعید نے کہا کہ الیکشن کے پرامن انعقاد کیلئے تمام انتظامات مکمل کیے جائیں۔ انہوں نے ہدایت کی کہ حساس پولنگ سٹیشنز پر سیکورٹی کے سخت انتظامات کیے جائیں اور کنٹرول روم قائم کیا جائے اور سی سی ٹی وی کیمرے نصف کیے جائیں۔انہوں نے مزید کہا کہ تمام پولنگ سٹیشنز پر کمروں اور واش رومز کی صفائی کا خاص انتظام کیا جائے تاکہ تعینات عملہ کو کسی قسم کی پریشانی کا سامنا نہ کرنا پڑے۔ انہوں نے ووٹرز کیلئے پینے کے ٹھنڈے پانی اور سایہ دار جگہ کا انتظام کرنے کی بھی ہدایت کی۔
