گلگت (پ ر) AC / ایڈ منسٹریٹر میونسپل کارپوریشن گلگت کیپٹن (ر)اریب احمد مختار نے کہا کہ عاشورہ محرم الحرام کے موقع پر، مجسٹریٹس کا سکیورٹی انتظامات یقینی بنانے، جلوس کے گزر گاہوں کی بہترین صفائی،تجاوزات کو ہٹانے کیلئے بلدیہ عظمیٰ اور جی بی ویسٹ منیجمنٹ کمپنی بروقت اقدامات یقینی بنانے، میونسپل فوڈ انسپکٹر کاتبرکات کوہیلتھ نیوٹریشن آفیسران کے ساتھ اشتراک سے چیکنگ سمیت ایم سی فورس کا مجسٹریٹس ٹیموں کے ساتھ دکانوں کے سیل کے عمل کو احسن انداز میں مکمل کرنے پر اپنے تحصیل اور میونسپل کارپوریشن آفیسران اور سٹاف کو شاندار الفاظ میں خراج تحسین پیش کرتا ہوں۔ ان خیالات کا اظہار انہوں نے بدھ کے روز مقامی میڈیا کیلئے جاری ایک بیان میں کیا اپنے بیان میں انہوں نے کہا کہ تحصیل اور میونسپل کارپوریشن کے آفیسران اور سٹاف نے قیام امن کیلئے سکیورٹی اداروں کے ساتھ ملکر محرم کے پہلے عشرے کو اپنی پیشہ وارانہ کوششوں سے پائے تکمیل تک پہنچانے میں اہم کردار ادا کیا، امید ہے محرم الحرام کے دوسرے عشرے کو بھی پائیدار امن یقینی بنانے کیلئے کوشاں رہیں گے انہوں نے تحصیلدار ہیڈ کوآرٹر مختار احمد، تحصیلدار ایل آر عاطف اللہ خان، تمام سیکٹر مجسٹریٹس کے کارکردگی کو سراہا کہ انہوں نے پولیس اور سکیورٹی فورسز کو بہترین طریقہ سے حفاظتی انتظامات کیلئے مامو ر کیا،بعدازاں انہوں نے چیف کوآرپوریشن آفیسر بلدیہ عظمیٰ گلگت عابد حسین میر، جی بی ویسٹ منیجمنٹ کمپنی کے منیجر سیف الدین سیف اور مجاہد علی کے کردار کو بھی شاباش دی کہ انہوں نے چیف آفیسر کے ساتھ ملکر شہر کی صفائی کوچیلنج سمجھ کر احسن انداز میں سرانجام دیں، بالخصو ص مرکزی جلوس کے گزرگاہوں کو ویسٹ میجمنٹ سینیٹری سٹاف کے ذریعے صفائی یقینی بناکر اپنی پیشہ وارانہ خدمات کو عملی جامعہ پہنایا، محرم الحرام کا پہلا عشرہ ہمارے لئے بڑا چیلنج تھا کیونکہ یکم محرم سے قبل ہی حالات نا خوش گوار واقعات سے دوچار ہوئے تھے الحمداللہ چیف سیکریٹری صاحب کے بروقت احکامات پر ہوم سیکریٹری اور ڈپٹی کمشنر کے جانب سے بہترین حکمت عملی کی وجہ سے کشیدہ حالات پر قابو پانے میں کامیاب ہوئے اور، عوام کے تعاون سے اس اہم ٹاسک کو بھی بخیرو خوبی سرانجام دیکر تحصیل،میونسپل کارپوریشن کے ذمہ دار آفیسران، پولیس اور قانون نافذ کرنے والے اداروں کے آفیسران اور سٹاف نے اپنی صلاحیتوں کا لوہا منوایا۔ گلگت صوبے کا دارالخلافہ ہے یہاں دیگر اضلاع سے زیادہ ضلعی انتظامیہ کو مستعد رہنا پڑتا ہے۔ ان شاء اللہ گلگت میں پائیدار امن کے قیا م کیلئے ڈپٹی کمشنر گلگت کیپٹن (ر) اسامہ مجید چیمہ کے قیادت میں AC گلگت اور اسکی ٹیم ہمہ وقت تیار و کوشاں رہے گی
