گلگت (پ ر)AC / ایڈ منسٹریٹر بلدیہ عظمیٰ گلگت کیپٹن (ر) اریب احمد مختار کے حکم پر شہر میں فٹ پاتھ مافیا کے خلاف کریک ڈاون جاری، متعدد افراد نرغے میں آگئے، تفصیلات کے مطابق جمعہ کے روز اسسٹنٹ کمشنر و ایڈ منسٹریٹر میونسپل کارپوریشن گلگت کیپٹن (ر) اریب احمد مختار کے حکم پر میونسپل انکروچمنٹ سیل کے انچارچ منظور حسین، مجسٹریٹ عالم حسین کا میونسپل پولیس فورس کے ہمراہ جوٹیال بس سٹینڈ، پبلک چوک، کینٹ ایریا، محمد موسیٰ مارکیٹ، خومر بازار، یاد گار چوک بازار اور ائیرپورٹ روڈ کلمہ چوک بازار میں زبردست چھاپہ مار کاروائیاں کیں، چھاپہ مار کاروائیوں کے دوران، فٹ پاتھ تجاوز کرکے کاروبار کرنے والے درجنوں تاجروں کے خلاف کاروائیاں کیں گئیں، اور موقع پر نوٹس دیا گیا کہ وہ آئندہ فٹ ہاتھ پر قبضہ نہیں کریں گے بعد ازاں مجسٹریٹ نے دکانوں میں نرخنامہ بھی چیک کیا، زائد منافع خور ی پر موقع پر جرمانے بھی کئے علاوہ ازیں، انکروچمنٹ سیل کے انچارج منظور حسین نے کہا کہ ایڈ منسٹریٹر گلگت نے سختی کے ساتھ ہدایات دیں ہیں کہ شہر میں فٹ پاتھ تجاوز کرنے والے مافیا کے خلاف سخت کریک ڈاون کریں ِ آج کی کاروائی اس سلسلے کی کڑی ہے لہذا عوام الناس سے گزارش ہے کہ قبضہ مافیا کے خلاف اپنی شکایات الفا کنٹرول میں درج کرادیں، جس پر فوری عملدرآمد کیا جائے گا۔
