لندن عارف چودھری
پاکستان کی بلائنڈ بیس بال ٹیم نے ورلڈکپ میں کانسی کا تمغہ جیتنے والی ٹیم کے اعزاز میں روچڈیل کے کوکوز گرل ریسٹورنٹ میں تقسیم انعامات اور عشائیہ کا اہتمام کیا گیا ۔ رکن برطانوی پارلیمنٹ افضل خان ، پاکستانی قونصلیٹ مانچسٹر میں تعینات قونصل جنرل طارق وزیر خان ، ہیڈ آف پاکستان بلائنڈ فیڈریشن بیس بال یوکے شیراز چوہان ، سیکرٹری جنرل پاکستان فیڈریشن بیس بال سید فخر علی شاہ-کوچ اور مینجر فلم ڈائریکٹر رائٹر سیف الرحمن -کوچ مخدوم سید امجد شاہ – سماجی سیاسی راہنما رضیہ چودھری -صائمہ اشرف -اور بیس بال ٹیم کی شرکت۔ سیکرٹری جنرل سید فخر علی شاہ نے کہا کہ پاکستان کے بچے کھیلوں میں مہارت رکھتے ہیں ہم اپنی کمیونٹی کو کھیلوں بارے آگاہی دینا چاہتے ہیں انکا مزید کہنا تھا کہ کھیلوں کے ذریعے ہم پاکستان کا مثبت تشخص اجاگر کرنا چاہتے ہیں ۔ہیڈ آف پاکستان بلائنڈ فیڈریشن بیس بال یوکے شیراز خان نے کہا ہم نے محدود وسائل اور کم وقت میں اپنے مادر وطن کے لیے کانسی کا تمغہ جیتا جو ہمارے لیے باعث اعزاز ہے۔رکن برطانوی پارلیمنٹ افضل خان نے کہا معذوری کی وجہ سے ہمیں ایسے لوگوں کو نظر انداز نہیں کرنا چاہیے بلکہ انہیں ہر میدان میں موقع دینا چاہیے جیسے ان نوجوانوں نے پاکستان کے لیے بہت بڑا کارنامہ انجام دیا قونصل جنرل طارق وزیر خان نے کہا کہ وہ حکومت پاکستان کے نمائندہ کی حیثیت سے انکی ہر طرح کی ممکن مدد کے لیے تیار ہیں ٹیم اگلے ورلڈکپ میں سونے کا تمغہ جیتنے کے لیے پرعزم ہے۔ سماجی سیاسی راہنما رضیہ چودھری نے کہا کہ پاکستان کی بلائنڈ بیس بال کا مختصر تیاری کے ساتھ کانسی کا تمغہ جیت کر پوری قوم کا سر فخر سے بلند کر دیا ھے -بیس بال ٹیم کے کوچ سیف الرحماناور مخدوم سید امجد شاہ نے کہا کہ کانسی کا تمغہ جیتنے سے ٹیم نے ملک و قوم کا نام روشن کیا ہے ہمیں اپنی ٹیم پر فخر ہے ۔ازاد کشمیر سے تعلق رکھنے والے کھلاڑی ارسلان صابر نے وزیراعظم آزاد کشمیر چوہدری انوار الحق سے درخواست کی کہ وہ آزاد کشمیر کے معذور افراد کو ہر طرح کی سہولت فراہم کرنے کے اقدامات کریں ۔زاہد محمودو دیگر کھلاڑیوں نے کانسی کا تمغہ جیتنے کو باعث فخر کہتے ہوئے کہا کہ ہم نے ملک اور قوم کا نام روشن کیا اور آئندہ بھی کریں گے – کھلاڑیوں کو قونصل جنرل طارق وزیر کے ہاتھوں میڈیل پہنائے گئے -انتظامیہ کی جانب سے قونصل جنرل طارق وزیر اور ممبر برطانوی پارلیمنٹ افضل خان – سید فخر علی شاہ -کمیونٹی راہنما رضیہ چودھری-اکاؤنٹینٹ صائمہ اشرف کو خصوصی شیلڈز سے نوازا گیا – راچڈیل کی ممتاز کاروباری اور سماجی شخصیت چودھری کالے خان نے اپنے ریسٹورنٹ کوکو ز کی جانب سے تمام مہمانوں کو لاھور کے مزیدار کھانے پیش کئے –
پاکستان بلائنڈ بیس بال ٹیم کا ورلڈکپ میں کانسی کا تمغہ جیتنا تارکین وطن پاکستانی کمیونٹی اور پاکستان کے لیے باعث اعزاز و فخر ہے
