ڈسٹرکٹ پولیس افسرساہیوال سردار امیر تیمور بزدار نے کہا ہے کہ ایمانداری محنت اورمیرٹ کی بنیاد پر کام کرنے والے پولیس افسران میرے بہت قریب جب کہ کرپٹ جھوٹے اور کام نہ کرنے والے پولیس ملازمین کی میرے قریب کوئی گنجائش نہ ہو گی شریف شہریوں اورتمام سائلین کے لئے میرے دفتر کے دروازے ہر وقت کھلے ہیں وہ بغیر کسی سفارش اور سہارے کے مجھے مل سکتے چوروں ،بدمعاشوں ، منشیات فروشوں اور قبضہ مافیاکو ضلع میں ہرگز برداشت نہیں کیا جائے گا ۔ان خیالات کا اظہار انہوں نے ڈسٹرکٹ پولیس آفیسر ساہیوال کا چارج سنبھالنے کے بعد گفتگو کرتے ہوئے کیا انہوں نے کہا کہ اپنی ڈیوٹی کے دوران کسی پولیس ملازم کی طرف سےشریف شہری کے ساتھ زیادتی ہرگز برداشت نہیں کروں گا تمام پولیس اسٹیشن میں تعینات افسران آنے والے اچھے شہریوں کو عزت دیں اور ان کےجائز کام فوراً کریں کیونکہ عام لوگوں کی خدمت کسی بھی عبادت سے کم نہیں ہوتی میں اپنی تمام کوشش کروں گا کہ ضلع ساہیوال میں جرائم کو کم کر سکوں تاکہ شہریوں کا ہمارے محکمہ پولیس پر اعتماد اور زیادہ بڑھ سکے آخر میں ڈسٹرکٹ پولیس آفیسر نے اپنے سٹاف کے ہمراہ تمام برانچوں اور پولیس لائن دورہ کیااور وہاں پر پولیس ملازمین شہداء کے درجات کی بلندی کے لیے خصوصی دعا کی
