دنیا بھر میں دُکھی انسانیت کی خدمت کے لئے بر طانیہ میں قائم المصطفی ویلفئر ٹرسٹ جس کے چئیر پرسن عبدالرزاق ساجد ہیں نے کمیونٹی کی مالی معاونت سے اپنا کردار بھر پور طریقے سے انجام دے رہا ہے
راچڈیل (عارف چودھری)
دنیا بھر میں دکھی انسانیت کی خدمت کے لیے برطانیہ میں قائم المصطفیٰ ویلفیئر ٹرسٹ کمیونٹی کی مالی معاونت سے اپنا کردار بھرپور طریقے سے انجام دے رہا ہے ۔ راچڈیل کے کیسل میر کمیونٹی سنٹر میں فلسطین اور غزہ کے مظلوموں کی مالی امداد کے لیے المصطفیٰ ویلفیئر ٹرسٹ نے عشائیہ کا اہتمام کیا جس میں مختلف مکتبہ فکر کے افراد نے شرکت کی ۔ اس موقع پر المصطفیٰ ویلفیئر ٹرسٹ کے چئیرمن عبد الرزاق ساجد کا کہنا تھا کہ پوری دنیا سے کہوں گا کہ وہ بھی انسان ہیں انہیں بھی ژندہ رہنے کا حق ہے وہ بھی چاہتے ہیں ہم امن و سکون سے رہیں ہم سبکی ذمہ داری ہے کہ انکو امن فراہم کریں انکا کہنا تھا صرف اللہ کا نام باقی رہے گا اور ان لوگوں کا نام ژندہ رہے گا جو دکھی انسانیت کے لیے کام کرتے ہیں المصطفیٰ ویلفیئر ٹرسٹ کا یہی پیغام ہے کہ ہمارے ساتھ ملکر دنیا کے مظلوموں کے لیے کام کریں۔لارڈ واجد خان کا کہنا تھا کہ فلسطین کے مظلوموں پر زبردستی جنگ مسلط کی گئی ہے اور آج تک وہ محاصرے میں ہیں ہم سبکو آگے بڑھ کر انکی مدد کرنی چاہیے تاکہ انکی مشکلات کم ہوں اس کے لئے ہمیں المصطفی ویلفئر ٹرسٹ کا ساتھ دینا چاہئے۔ ممبر بر طانوی پارلیمنٹ ٹونی لائیڈ کا کہنا تھا کہ المصطفی ویلفئیر ٹرسٹ بہت اچھا کام کر رہی ہی فلسطینیوں کو مد د کی بہت ضرورت ہے قاری عبدالرؤف نے کہا وہ لوگ پوری امت مسلمہ کی جنگ لڑ رہے ہیں ان لوگوں کا کہنا ہے جن حالات میں وہ رہ ہیں انکے بچوں کے اندر پھر بھی خوف نہیں ہے انکا کہنا تھا کہ فلسطینیوں کے لیے آپ جو کچھ بھی کر سکتے ہیں کریں انہیں آپکی مدد چاہیے۔مقصود احمد نے کہا کہ میں فلسطین بھی گیا تھا وہاں انکی حالت زار دیکھ کر دلی دکھ ہوا ھم سب کو مل کر انکی مدد کرنی چاہئے دیگر کا کہنا تھا ایسے لوگوں کا ساتھ دینا ہمارا فرض ہے
دنیا بھر کی دکھی انسانیت کی خدمت میں پیش پیش المصطفیٰ ویلفیئر ٹرسٹ کی جانب سے مظلوم فلسطینیوں کے لیے مالی امداد جمع کرنا خوش آئند ہے جس پر برطانیہ بھر کی کمیونٹی کو فخر ہے
