عارف چودھری
بیرسٹر امجد ملک کی مسلم لیگ ن کی نائب صدر مریم نواز شریف سے لاہور میں خصوصی ملاقات
چیف کوآرڈی نیٹر انٹرنیشنل افیئرز اینڈ اوورسیز پاکستانیز بیرسٹر امجد ملک کی مسلم لیگ ن کی نائب صدر مریم نواز شریف سے جاتی امراء لاہور میں خصوصی ملاقات ہوئی ہے۔
بیرسٹر امجد ملک نے ان کے بیٹے جنید صفدر کی شادی پر انہیں خصوصی مبارکباد دی اور پھول بھی پیش کیے۔
حزب اختلاف کی اہم راہنما مریم نواز شریف صاحبہ نے کہا کہ نواز شریف نے سخت محنت سے پاکستان کو معاشی ترقی کی راہ پر ڈالا تھا۔ اسحق ڈار صاحب نے ڈالر کنٹرول میں رکھا اور شہباز شریف نے خدمت کی نئی تاریخ رقم کی۔
پاکستان موجودہ حکومت کی غلط پالیسیوں کی وجہ سے معاشی مشکلات کا شکار ہے۔عام آدمی پاکستان کے موجودہ حالات سے دل برداشتہ ہیں۔ نیازی سرکار پاکستان کے مسائل حل کرنے میں ناکام ہوگئی ہے۔جن لوگوں نے نوازشریف کے ساتھ ظلم کمایا تھا وہ ایک ایک کرکے آشکار ہو رہے ہیں۔ مسلم لیگ ن کو آگے آنے اور آگے لانے کی ضرورت ہے جو عوام کے مسائل حل کرنے کی صلاحیت تجربہ اور تنظیم رکھتی ہے۔
مریم نواز شریف نے کہا کہ اوورسیز پاکستانیز بیرون ملک پاکستان کے سفیر ہیں اور مسلم لیگ ن نے ہمیشہ اپنے بیرون ملک مقیم پاکستانیوں کی خدمت کی ہے اور کرتے رہیں گے۔
دونوں نے اس بات پر اتفاق کیا کہ موجودہ حالات میں میاں نواز شریف وہ واحد لیڈر ہیں جنکے پاس ملکی مسائل کے حل کی کنجی موجود ہے انکے پاس ویژن تجربہ اور ٹیم ہے جو ملک کو ان گھمبیر مسائل سے باہر نکال سکتی ہے اور پاکستان عالمی تنہائی ،بین الاقوامی مالیاتی اداروں کے چنگل اور اقتصادی ابتری سے نجات حاصل کرسکتا ہے۔
بیرسٹر امجد ملک نے مریم نواز شریف کا تارکین وطن کے بارے میں نیک خیالات رکھنےاور آنیوالے وقت میں ان سے ڈار صاحب کی مشاورت سے براہ راست رابطوں پر آمادگی پر شکریہ ادا کیا ۔ مسکم لیگ ن نے اپنے دور حکومت میں رول ماڈل اقدامات کئے جن پر خصوصی شکریہ ادا کیا ۔انشااللہ پارلیمان میں مخصوص نشستوں سے ایک نئے دور کاآغاز ہوگا۔
ملاقات میں انکی بیگم نادیہ ملک اور انکے بیٹے حمزہ ملک بھی ساتھ موجود تھے۔ مریم نواز شریف نے خصوصی طور پر نوجوانوں کیساتھ روابط بڑھانے پر زور دیا۔
عارف چودھری
