لندن عارف چودھری
ایکشن فار ہیومینٹی کے تحت ایمپائر ہال اولڈہم میں خیراتی کام کے لیے چندہ جمع کرنے کی تقریب کا انعقاد ۔ جموں و کشمیر تحریک حق خود ارادیت انٹرنیشنل کے چئیرمین راجہ نجابت حسین ، سابق امیدوار برطانوی پارلیمنٹ ماہر قانون دان ظفر اقبال ،آرگنائزر شمائلہ خان ، سابق لارڈ میئر مانچسٹر کونسلر یاسمین ڈار ،سابق مئیر اولڈہم کونسلر شعیب اختر ، آرگنائزر شمائلہ خان کی خصوصی شرکت ۔ ڈاکٹر عماد،جاوید ، عنصہ ساجد -صحابی ٹری ٹرسٹ کے چیف ایگزیگٹیو ساجد عرف سج -نامور سماجی خاتون یاسین عالم -سماجی مزہبی شخصیات بیگم میاں اشفاق -بیگم میاں حاجی شفیق -حمیرا افضل -سابق کونسلر محمد الیاس -سماجی شخصیت راجہ صغیر کا کڑوی کے علاوہ کمیونٹی کی دیگر سرکردہ شخصیات کی شرکت۔ چندہ مہم میں شریک افراد نے دل کھول کر امداد دی ۔میزبانی کے فرائض راحیل خالد نے انجام دے۔ تلاوت کلام پاک کا شرف حافظ احسان کو نصیب ہوا ۔ آقائے کائنات کی بارگاہ میں گلہائے عقیدت کے پھول طلحہ طارق نے نچھاور کیے ۔ تقریب کی آرگنائزر شمائلہ خان نے کہا کہ پچھلے برس انہوں نے پانچ ہزار پونڈز کی خطیر رقم خیراتی کام کے لیے اس بار انہوں نے خود اس نیک کام کا بیڑا اٹھایا تمام مہمانوں کا دلی شکریہ جنہوں نے شرکت کر کے چندہ جمع کرنے کی مہم میں بڑھ چڑھ کر حصہ لیا ۔ راجہ نجابت حسین کا کہنا تھا کہ خیراتی کاموں میں ہمارے نوجوان اچھا کام کر رہے ہم سب کو خیراتی کاموں میں انکی مدد کرنی چاہیے ۔ ڈاکٹر عماد کا کہنا تھا کہ ایکشن فار ہیومینٹی دکھی انسانیت کے لیے شاندار کام کر رہی ہے کمیونٹی نے دل کھول کر غزہ کے مظلوموں کی مدد کے لیے مالی امداد دی۔ سابق لارڈ میئر مانچسٹر کونسلر یاسمین ڈار نے بھی کام کو سراہا ۔ سابق امیدوار برطانوی پارلیمنٹ ماہر قانون دان ظفر اقبال نے دکھی انسانیت کے لیے کمیونٹی کی کاوشوں کو سراہا۔ کونسلر شعیب اختر نے غزہ کے مظلوموں کی مدد کو وقت کی اہم ترین ضرورت کہا۔ سماجی خاتون یاسین عالم اور حمیرا افضل اور دوسروں نے کہا کمیونٹی نے دل کھول کر عطیات دے امید ہے یہ سلسلہ جاری رہے گا۔ پروگرام کے ہوسٹ راحیل خالد نے کہا کہ ہم دکھی انسانیت کی خدمت کے لیے سخت محنت کر رہے ہیں۔ صحابی ٹری ٹرسٹ کی عنصہ ساجد نے بھی کمیونٹی کی مالی معاونت کا دلی شکریہ ادا کیا
شرکائے تقریب نے ایکشن فار ہیومینٹی کی دکھی انسانیت کے لیے کی جانے والی کاوشوں کو سراہتے ہوئے کہا کہ وہ نیک کام کو جاری رکھنے میں تمام تر وسائل بروئے کار لائیں گے
