جہلم(چوہدری عابد محمود +مرزاکفیل بیگ کیفی)جہلم کی تحصیل پنڈدادنخان کے صرافہ بازار میں ڈکیتی کرنے والا مرکزی ملزم گرفتار،18 لاکھ روپے برآمدکر لئے گئے، ایس ایچ او پنڈدادنخان رانا لطیف اور ان کی ٹیم نے سائنٹیفک طریقہ استعمال کرتے ہوئے ملزم کوڈرامائی انداز میں گرفتار کرلیا،شہریوں کا ایس ایچ او پنڈدادنخان اور ان کی پوری ٹیم کو خراج تحسین، تفصیلات کے مطابق ڈی پی رانا طاہر رحمان خان کی ہدایات پرایس ایچ او پنڈدادنخان رانا لطیف اور ان کی ٹیم نے گزشتہ سال ماہ نومبر میں پنڈدادنخان کے صرافہ بازار میں سر شام ہونے والی ڈکیتی کے مرکزی ملزم کو سائنٹفیک طریقہ استعمال کرتے ہوئے ملزم کو ڈرامائی انداز میں گرفتار کرنے کے بعد ملزم سے 18 لاکھ روپے رقم برآمد کر لئے۔پولیس نے مقدمہ نمبر564/21 جرم411 hII 392/337 تھانہ پنڈدادنخان نے کارروائی کرتے ہوئے مرکزی ملزم محمد عباس عرف رانا ولد منظور حسین ساکن ہال بسم اللہ کالونی سرگودھا روڈ فیصل آباد سے گرفتار کرکے ملزم سے 18 لاکھ روپے برآمد کر لئے ہیں، اس موقع پر پولیس کا کہنا تھا کہ ڈی پی او رانا طاہر رحمان کی ہدایات عمل کرتے ہوئے جرائم پیشہ عناصر کے خلاف کارروائیاں جاری ہیں، گزشتہ چند دنوں میں ہونے والی وارداتوں کے ملزمان کو تلاش کرنے کے لئے تمام صلاحیتیں بروئے کار لائی جا رہی ہیں، بہت جلد باقی ڈکیتوں اور چوریوں میں ملوث ملزمان کو بھی قانون کے شکنجے میں لے لیا جائیگا۔ عوامی و سماجی حلقوں نے ڈی پی او رانا طاہر رحمان، ایس ایچ او پنڈدادنخان رانا لطیف اور ان کی پوری ٹیم کو سماج دشمن عناصر کے خلاف کامیاب کارروائیاں کرنے پر خراج تحسین پیش کیا اور پولیس کی کارکردگی پر اطمینان کا اظہار کیاہے۔
