جشنِ آزادی کے پرمسرت موقع پر مجھے “نشانِ جہلم ایوارڈ” سے نوازا گیا۔حاجی خالد پرویز

Spread the love

پنڈدادنخان ( ملک ظہیر اعوان) جشنِ آزادی کے پرمسرت موقع پر مجھے “نشانِ جہلم ایوارڈ” سے نوازا گیا۔ یہ اعزاز میرا نہیں، بلکہ ٹوبھہ کی گلیوں میں بسنے والے ان غریب چہروں کا ہے، جو محبت اور دعا میں کبھی کمی نہیں کرتے۔
میں اُن تمام دوستوں، بزرگوں اور نوجوانوں کا بے حد شکر گزار ہوں جنہوں نے محبت، نیک خواہشات اور دعاؤں سے میرا حوصلہ بڑھایا۔ان خیالات کا اظہار صدر پاسبان ویلفیئر فاؤنڈیشن ٹوبھہ حاجی خالد پرویز نے کیا انہوں نے کہا کہ مجھے “محسنِ ٹوبھہ” کہنے والوں کی محبت سر آنکھوں پر مگر میں اپنے آپ کو صرف “خادمِ ٹوبھہ” کہلانا چاہتا ہوں، کیونکہ محسن صرف اور صرف اللہ کی ذات ہے، جس نے مجھ ناچیز کو اپنی مخلوق کی خدمت کا موقع دیا۔ انشاء اللّٰہ بَہُت جلد اگلا پروجیکٹ شروع کیا جائے گا
میری سب سے بڑی دعا اور خواہش یہ ہے کہ ٹوبھہ کا ہر غریب بچہ باعزت روزگار پائے
ہر بیٹی عزت و خوشی سے اپنے گھر رخصت ہو اور ہر بیمار کو اللہ شفا عطا فرمائے یاد رکھیں! پیسہ خرچ کرنا آسان ہے، مگر اصل خدمت یہ ہے کہ ضرورت مند کو تلاش کیا جائے، اس تک سہولت پہنچائی جائے اور ہر منصوبے کو مکمل کر کے اس کا پھل عوام تک پہنچایا جائے۔ ایسے کام خلوص نیت سے ہوتے ہیں میں دل کی گہرائیوں سے پاسبان ویلفیئر فاؤنڈیشن کی پوری ٹیم کا شکر گزار ہوں، جنہوں نے ہر قدم پر ساتھ دیا اور اصل حقداروں تک مدد پہنچائی۔
آج میں یہ ایوارڈ اپنے ٹوبھہ کے عوام، خاص طور پر غریبوں اور نوجوانوں کے نام کرتا ہوں۔ آپ سب سے صرف اتنی گزارش ہے کہ
میرے لیے دعا کرتے رہیں کہ اللہ مجھے زندگی بھر خدمتِ خلق کی توفیق دیتا رہے۔

اس خبر پر اپنی رائے کا اظہار کریں

اپنا تبصرہ بھیجیں