شدید گرمی بھی حوصلے پست نہ کر سکی

Spread the love

(تحریر سکندر ملک )
ضلع وزیراباد کو چمکانے کے لیے صاف ستھرا ٹیم میدان میں
​عید کے موقع پر آلائشوں کو ٹھکانے لگانے کے لیے مثالی اور بہترین اقدامات
​ضلع وزیراباد
بڑھتے ہوئے درجہ حرارت اور شدید گرمی کے باوجود ضلع وزیراباد کو صاف ستھرا اور مثالی بنانے کے لیے انتظامیہ اور سینیٹیشن اسٹاف نے کمر کس لی ہے۔
​اسسٹنٹ کمشنر وزیراباد جواد حسین پیزادہ کی خصوصی زیر نگرانی شہر بھر میں صفائی ستھرائی کی مہم بھرپور طریقے سے جاری ہے۔ خواتین افسران کی متحرک قیادت میں صاف ستھرا ٹیم نے عید الاضحیٰ کے پرمسرت موقع پر شہر کو گندگی سے پاک رکھنے کے لیے شاندار اور بہترین اقدامات کیے ہیں۔
​عید آپریشن: آلائشوں کی فوری منتقلی
​عید کے ایام میں قربانی کے جانوروں کی آلائشوں کو بروقت اور سائنسی طریقے سے ٹھکانے لگانے کے لیے اسسٹنٹ کمشنر وزیر اباد نے تپتی دھوپ اور شدید لو کی پرواہ کیے بغیر فرائض سر انجام دیے۔ ٹیم نے دن رات ایک کر کے گلی محلوں سے آلائشوں کو فوری طور پر منتقل کیا اور شہر میں چونے کا چھڑکاؤ اور جراثیم کش ادویات کا سپرے یقینی بنایا تاکہ بدبو اور بیماریاں نہ پھیلیں۔
​
ضلع وزیراباد ۔ کے عوامی اور سماجی حلقوں نے عید کے موقع پر صفائی کے مثالی انتظامات اور تپتی دھوپ میں فرض شناسی کی اعلیٰ مثال قائم کرنے پر اسسٹنٹ کمشنر وزیراباد اور پوری ‘صاف ستھرا ٹیم’ کو زبردست الفاظ میں خراجِ تحسین پیش کیا ہے۔ شہریوں کا کہنا ہے کہ ایسے مخلص افسران اور محنتی ورکرز ہی شہر کا اصل سرمایہ ہیں۔
​انتظامیہ کا کہنا ہے کہ عید کے دوران شہریوں کو صاف ستھرا اور خوشگوار ماحول فراہم کرنا ان کا مشن تھا، اور گرمی کی شدت کے باوجود اس مشن کو کامیابی سے ہمکنار کیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں