اولڈھم (عارف چودھری)
ممتاز کاروباری سماجی اور کمیونٹی میں نمایاں مقام رکھنے والی شخصیت اورجانی گرل ریسٹورنٹ کے چیف ایگزیکٹو رفیق شاہد اور معاشرے میں خواتین کے کردار کو اجاگر کرنے کے ساتھ خواتین کے حق میں آواز بلند کرنے والی سماجی شخصیت شمع شاہد کی بیٹی زاہرہ شاہد کی چوتھی سالگرہ جانی گرل ریسٹورنٹ میں منائ گئ جس میں خاندان کے مخصوص افراد کے ساتھ قریبی رفقاء جن میں برطانیہ کی ممتاز کاروباری و سیاسی شخصیت ریاض احمد اور پیپلز پارٹی لیڈی ونگ نارتھ ویسٹ برطانیہ کی صدر سماجی راہنما رضیہ چوہدری نے خصوصی شرکت کی ۔ سالگرہ کی تقریب میں برطانوی حکومت اور مقامی کونسل کی جانب سے کورونا وائرس کے بڑھتے پھیلاؤ کو روکنے کے لیے جاری ہدایات پر سختی سے عملدرآمد کیا گیا۔ ننھی پری زاہرہ شاہد نے والدین اور دیگر افراد کے ساتھ ملکر کیک کاٹا اور تقریب میں شریک افراد کی توجہ کا مرکز بنیں۔ رضیہ چوہدری نے خوشی کے موقع پر کہا کہ مشکل حالات میں چند افراد کو مدعو کیا گیا ہم شاہد اور شمع شاہد کے دلی مشکور ہیں انہوں نے پر مسرت لمحات میں ہمیں شامل کیا ۔ دعا ہے کہ رب العالمین ننھی پری کو صحت والی لمبی عمر عطا فرمائے۔ کاروباری شخصیت ریاض احمد کا کہنا تھا کہ دعوت میں شرکت کی خاص بات انکا انتہائی لذیذ کھانا بھی ہے میں کمیونٹی سے کہنا چاہتا ہوں اگر کسی دعوت کا اہتمام کرنا ہو تو جانی گرل ریسٹورنٹ کا انتخاب کریں یہاں کورونا وائرس کی وجہ سے جاری ہدایات پر سختی سے عملدرآمد کیا جاتا ہے۔ ننھی پری زاہرہ شاہد کے والد شاہد رفیق نے کہا کہ میں تمام مہمانوں کا دلی شکریہ ادا کرتا ہوں جنہوں نے ہماری بیٹی کی چوتھی سالگرہ میں شرکت کی ہم نے ایس او پی کی وجہ سے صرف چند افراد کو مدعو کیا تھا ۔
