جامعہ محمدیہ کے زیر انتظام یوکے اکیڈمی آف اسلامک سائنسز کی گیارہویں سالانہ تقریب تقسیم اسناد کا انعقاد یورپین اسلامک سنٹر اولڈہم میں ہوا ۔ یوکے اکیڈمی آف اسلامک سائنسز کے سربراہ و پرنسپل شیخ احمد دباخ اور اولڈہم کونسل کے مئیر ڈاکٹر زاہد چوہان،ڈپثی لیڈر کونسلر شاہد مشتاق کی خصوصی شرکت ۔ رپورٹ عارف چوہدری لندن
جامعہ محمدیہ کے زیر انتظام یوکے اکیڈمی آف اسلامک سائنسز کی گیارہویں سالانہ تقریب اسناد کا انعقاد یورپین اسلامک سنٹر اولڈہم میں ہوا ۔ یوکے اکیڈمی آف اسلامک سائنسز کے سربراہ و پرنسپل شیخ احمد دباخ اور اولڈہم کونسل مئیر ڈاکٹر زاہد چوہان ،ڈپٹی لیڈر کونسلر شاہد مشتاق کے علاوہ اکیڈمی میں پیشہ وارانہ خدمات انجام دینے والے اساتذہ ، اکیڈمی سے فارغ التحصیل طالبات کی شرکت ۔ شیخ احمد دباخ نے اپنے پیغام میں کہا کہ یوکے اکیڈمی آف اسلامک سائنسزنے پچھلے گیارہ برسوں سے طالبات کو دنیاوی تعلیم کے ساتھ دینی تعلیم میں اعلی تعلیم دینے کا بیڑا اٹھایا ہوا ہے تاکہ اگر خواتین دنیاوی تعلیم کے ساتھ دینی تعلیم سے آراستہ ہوں گی تو آنے والی نسل صحت مند معاشرے کے لیے اپنا کردار ادا کر سکے گی ۔ انہوں نے کہا ہم نے سوچ بچار کے بعد فیصلہ کیا ہے دین اسلام اور خواتین کی تعلیم و تربیت کے پیغام کو بین الاقوامی سطح تک پہنچایا جائے آسڑیلیا سے اسکا آغاز کر دیا ہے ۔ مئیر کونسلر ڈاکٹر زاہد چوہان نے کہا کہ اکیڈمی عظیم کر رہی بچیوں کو امن اور زندگی گزارنے کے لیے دین اسلام کے تحت زندگی گزارنے کی تعلیمات سے آگاہی دے رہی ہے۔ ڈنمارک سے آئے مہمان کاشف محمد اکرم نے کہا کہ ہمیں اکیڈمی کی کاوشوں کو سراہنا چاہیے کہ وہ خواتین کو اسلامی تعلیمات سے آراستہ کرتے ہیں تاکہ ہماری آنے والی نسل کی بہترین پرورش کر سکیں ۔یوکے اکیڈمی آف اسلامک سائنسز میں پیشہ وارانہ خدمات انجام دینے والی اساتذہ علیزہ اقبال کا کہنا تھا کہ ہم دین قرآن و احادیث کی تعیلم دینے کے ساتھ اس پر توجہ دیتے ہیں کہ عملی زندگی میں کیسے اس پر عمل کیا جائے ۔تقریب کے روح رواں راجہ ظفر اقبال نے کہا کہ دنیا میں برائ بجلی کی رفتا جیسی پھیل رہی ہے اس سے بچنے کے لیے طریقہ محمدیہ پر عمل پیرا ہونا چاہیے۔ اکیڈمی سے فارغ التحصیل علیشا خان ، فتحہ اور اطوا نے کہا کہ وہ دنیاوی تعلیم کے ساتھ انہوں نے اسلامی تعیلم بھی حاصل کی تاکہ آنے والی زندگی کو اچھے طریقے سے گزار سکیں۔ شیخ احمد دباخ نے فارغ التحصیل طالبات میں اسناد پیش کیں ۔ شیخ احمد دباخ نے امت مسلمہ ،دکھی انسانیت اور بیماروں کی شفایابی کے لیے خصوصی دعا کی۔
