لندن عارف چودھری
بین الاقوامی نعت کونسل برطانیہ شعبہ خواتین کی صدر متحرک سماجی و مذہبی شخصیت رضیہ چوہدری نے مانچسٹر کے محفل ریسٹورنٹ میں افطار پارٹی کا انعقاد کیا جس میں پاکستان میں قائم تنظیم موونگ فرام ڈارکنس ٹو لائٹس کے بینائی سے محروم افراد کی مدد کے لیے چندہ جمع کیا گیا۔ قونصل جنرل پاکستانی قونصلیٹ مانچسٹر طارق وزیر خان ، کمیونٹی ویلفیئر آتاشی مصباح نورین سابق پاکستانی کرکٹر طارق ، ممتاز ادبی شخصیت صابر رضا ، چودھری ذوالفقار مہر – اداکارہ زرقا احمد – پامیلا ملک -تنویر -پی ٹی آئ برطانیہ کے صدر ملک عمران خلیل ، شاعرہ نغمانہ کنول شیخ -ثاقب جاوید -چودھری رضوان نصیر -سید خالد عباس-پنکی -عالیہ صغیر -عاطف چودھری -و دیگر سرکردہ شخصیات کے ساتھ کمیونٹی کی بڑی تعداد نے شرکت کر کے پاکستان میں بینائی سے محروم افراد کی بحالی و مدد کے لیے دل کھول کر عطیات پیش کیے۔ مشہور نعت خواں قاری وحید چشتی -افتخار ڈار -عبداللہ اور دوسروں نے نعتیہ کلام پیش کیا -اس موقع پر قونصل جنرل طارق وزیر خان کا کہنا تھا کہ افطار پارٹی کی خاص بات بینائی سے محروم افراد کی بحالی اور مدد بارے چندہ جمع کرنا تھا جو کہ خوش آئند ہے کمیونٹی نے ہمیشہ کی طرح دل کھول کر عطیات دے پاکستانی کمیونٹی مادر وطن کے لیے برطانیہ میں بے پناہ خدمات انجام دے رہی ہے ۔ سابق کرکٹر طارق محمود اور چودھری رضوان نصیر -سید خالد عباس کا کہنا تھا کہ ایسی روحانی تقریبات سماجی رابطوں کے لیے کردار ادا کرتی ہیں جس سے کمیونٹی کے اندر باہمی ہم آہنگی کے ساتھ اتحاد و اتفاق پیدا ہوتا ہے۔ ممتاز ادبی شخصیت صابر رضا کمیونٹی لیڈر عالیہ صغیر ہاشمی اور پنکی نے کہا کہ رضیہ چوہدری کا دین اور دنیا سے محبت کا لازوال رشتہ ہے جسکی زندہ مثال آج کی روحانی محفل ہے۔ پی ٹی آئ برطانیہ کے صدر ملک عمران خلیل کا کہنا تھا کہ ماہ رمضان میں ہمیں پاکستان کی سلامتی اور استحکام کے لیے دعا کرنی چاہیے ۔ شاعرہ نغمانہ کنول شیخ کا کہنا تھا کہ افطار کی بابرکت و روحانی محفل میں ہم نے اللّٰہ تعالیٰ اور آقائے کائنات کا نام لیکر دلی سکون محسوس کیا ۔ کمیونٹی ویلفئر آتاشی مصباح نورین اور چودھری ذوالفقار مہر اور روحانی محفل میں شریک دیگر افراد نے بھی رضیہ چوہدری کی سماج کے لیے انتھک خدمات کو قابل ستائش کہتے ہوئے باقیوں کے لیے قابل تقلید قرار دیا ۔ میزبان رضیہ چوہدری نے تمام مہمانوں کا دلی شکریہ ادا کرتے ہوئے کہا میں نے آج پاکستان میں بینائی سے محروم افراد کی بحالی و مدد کے لیے کمیونٹی سے عطیات کی درخواست کی جس پر سب نے دل کھول کر مالی مدد کی اللہ تعالیٰ سے دعا ہے کہ دوبارہ ہمیں ماہ رمضان کی برکتوں سے فیضیاب کرے۔آخر میں انٹرنیشنل نعت کونسل برطانیہ شعبہ خواتین رضیہ چودھری نے انٹر نیشنل نعت ایسوسیشن ایشن کے لئے چودھری رضوان نصیر کو صدر اور ملک عمران خلیل کو سینئر نائب صدر کے تقرری کے نوٹفیکشن قونصل جنرل طارق وزیر کے ہاتھوں دئیے –
