احساس ادائیگیوں میں ناجائز کٹوتیاں کرنے والے ایجنٹوں کیخلاف سخت کاروائی کی جائے گی۔
اسلام آباد(نمائندہ ذیشان نجم خان) اردو گلوبل میڈیا رپورٹ کے مطابق وفاقی حکومت نے یکم فروری سے احساس کفالت کی رقم 12 ہزار سے بڑھاکر 13ہزار کردی، وزیراعظم عمران خان کی معاون خصوصی ڈاکٹر ثانیہ نشتر نے سماجی رابطے کی ویب سائٹ ٹویٹر پر اپنے ایک ویڈیو بیان میں احساس ادائیگیوں میں ناجائز کٹوتیاں کرنے والے ایجنٹس کے خلاف سخت کارروائی کا اعلان کر دیا.ڈاکٹر ثانیہ نشتر کا کہنا تھاکہ احساس ادائیگیوں میں ناجائز کٹوتیاں کرنے والے ایجنٹوں کے خلاف سخت کارروائی کی جائے گی۔حکومت نے یکم فروری سے احساس کی رقم 12 ہزار سے بڑھاکر 13ہزار کردی ہے۔ انہوں نے کہا کہ اہل خواتین احساس کفالت کی رقم لینے جائیں تو گن کر پورے 13 ہزار لیں۔ شراکتی بینکوں کے ایجنٹ اور نامزد دکاندار خواتین کی رقم نہیں کاٹ سکتے۔
