جیکب آباد(نامہ نگار) پاکستان پرچم پارٹی کے چیئرمین ملک الطاف حسین نے کہا ہے کہ سعودی ولی عہد سعودی عرب کے اسلامی تعارف کو سیکولر تعارف میں تبدیل کرنے کے جو اقدامات کررہے ہیں وہ افسوسناک اور قابل مذمت ہیں، ولی عہد کے غیر شرعی فیصلوں کے خلاف عالم اسلام میں تشویش اور بے چینی پائی جاتی ہے۔ اپنے ایک بیان میں ان کا کہنا تھا کہ سعودی بادشاہت کی تاریخ میں پہلی بار مرتبہ ایک ہی دن میں 81 افراد کے سرقلم کردئیے گئے بادشاہت کے زیر سایہ عدالتی نظام کس قدر شفاف ہے یا یہ کہ مقتولین کے جرائم کی تفصیلات کیا ہیں اس پر بہت سے سوالات اور خدشات موجود ہیں، انہوں نے کہا کہ خادم الحرمین شریفین شاہ سلمان بن عبدالعزیز عالم اسلام میں قائد کی حیثیت رکھتے ہیں اس لیے انہیں چاہئے کہ اپنے ولی عہد کی گمراہ کن اصلاحات کو روک کر اسلامی قوانین کے نفاذ اور پاکیزہ اسلامی ماحول کو یقینی بنائیں، م…
