درد اپنے دنیا سے چُھپائے ہوئے ہیں

غزل

درد اپنے دنیا سے چُھپائے ہوئے ہیں
دیا دل کا یادوں سے جلائے ہوئے ہیں

سنبھال کے رکھتے ہیں دیتے نہیں کسی کو
درد ہم نے بڑی محنت سے کمائے ہوئے ہیں

ہماری بے رخی، بے وفائی کا شکوہ نہ کیجیے
یہ سبق تو زمانے کے پڑھائے ہوئے ہیں

کب لوٹ کر آئے گی وہ روٹھی بہار؟
ہم راستوں پر آنکھیں بچھائے ہوئے ہیں

چلو جلائیں کچھ چراغ پھر محبتوں کے
بڑے ہی گہرے شام کے سائے ہوئے ہیں

سعدیہ قریشی: ملٹن کینز۔۔ یو۔کے